Dedica

EMIN.mo ET REV.mo PRINCIPI

FLAVIO CHISIO S. R. E. CARDINALI AMPLISS.

Urbis aeternae terrarum olim rerumque Dominae hisce meis typis expressa se se exerit Maiestas EM.me PRINCEPS

ut quae non cadavere amplius, sed suo met cinere obruta iacet, sculpturae miraculo marmorea et Au-

gusta e sepulcro reviviscat. Diem tamen suum non prius expetit quam Tua se se induat luce: nihil enim hac

luce clarius splendidiusque, non Purpurae tantum radiis, quibus Vaticanum illustras, sed et ingenii decore ingentique

fulgore Virtutum, quae ipsas Alpes transgressae facundia et gratiis novum te veteri parem Herculi Gallis praesti-

tere; ita ut pietas ac Sapientia tua in ore hominum versentur Tuusque erga literas ac bonas artes amor celebre-

tur. Is enim es, qui non studio tantum, sed et contubernio Musas recipis: quid dimumerem instructissimam Biblio-

thecam Tuam? quid statuas ac picturas celeberrimorum Artificum? quid antiqui operis monumenta ac lectissima

exquisitamque omnis generis supellectilem? his sane cunctis pulcrius animum quam domum exornas. Romam

Veterem igitur per varias Sculpturae imagines ex marmoreis exemplaribus desumptas, meoque praelo exp-

ressas Tibi dico EM.me PRINCEPS, ut eadem sub ALEXANDRO VII magno Patruo Tuo nova renascente antiqua si-

mul te auspice resurgat Adsis precor et sinas a me nomini Tuo in Tuarum Virtutum Sacrario perpetuum hoc

obsequii mei donarium appendi.

Humilissimus et Obsequantiss. Servus

Io. Iacobus de Rubeis.

© 2000 | 2001 Cribecu - Scuola Normale Superiore di Pisa
Powered by Tresy © 2000 | 20001 Cribecu - Scuola Normale Superiore di Pisa